ham ne jin ko sachchaa jaanaa — Baqa Baluch

zindagi se zindagi ruThi rahi
aadmi se aadmi barham rahaa

garmi-e-shiddat-e-jazbaat bataa detaa hai
dil to bhuli hui har baat bataa detaa hai

jism apne faani hain jaan apni faani hai faani hai ye duniyaa bhi
phir bhi faani duniyaa mein jaavedaan to main bhi huun jaavedaan to tum bhi ho

ek uljhan raat din palti rahi dil mein ki ham
kis nagar ki khaak the kis dasht mein Thahre rahe

main kinaare pe khaDaa huun to koi baat nahin
bahtaa rahtaa hai tiri yaad kaa dariyaa mujh mein

tu khush hai apni duniyaa mein
main tiri yaad mein jaltaa huun

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

'shujaaa' maut se pahle zarur ji lenaa
ye kaam bhuul na jaanaa baDaa zaruri hai

garmi se muztarib thaa zamaana zamin par
bhun jaataa thaa jo girtaa thaa daanaa zamin par

kuchh arz-e-tamannaa mein shikva na sitam kaa thaa
main ne to kahaa kyaa thaa aur aap ne kyaa jaanaa