gilaa bhi tujh se bahut hai magar mohabbat bhi — Basir Sultan Kazmi

jab bhi mile ham un se unhon ne yahi kahaa
bas aaj aane vaale the ham aap ki taraf

dil lagaa lete hain ahl-e-dil vatan koi bhi ho
phuul ko khilne se matlab hai chaman koi bhi ho

kuchh to hassaas ham ziyaada hain
kuchh vo barham ziyaada hotaa hai

'baasir' tumhein yahaan kaa abhi tajraba nahin
bimaar ho? paDe raho, mar bhi gae to kyaa

ruk gayaa haath tiraa kyuun 'baasir'
koi kaanTaa to na thaa phulon mein

kaise yaad rahi tujh ko
meri ik chhoTi si bhuul

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

lagtaa hai judaa sab se kirdaar 'vasim' us kaa
vo shahr-e-mohabbat kaa baashinda nazar aae

use bahisht ke zindaan mein bhej denaa tum
gunaahgaar-e-mohabbat ko ye sazaa denaa

bahut tezaab phailaa hai gali-kuchon mein nafrat kaa
mohabbat phir bhi apne kaam se baahar nikalti hai

zahr hai mere rag-o-pai mein mohabbat shaayad
apne hi Dank se bichchhu ki tarah mar jaaun