jab aayaa iid kaa din ghar mein bebasi ki tarah — Bismil Sabri

nikal ke aa to gayaa gahre paaniyon se magar
kai tarah ke saraabon ne mujh ko gher liyaa

ab vaada-e-fardaa mein kashish kuchh nahin baaqi
dohraai hui baat guzarti hai giraan aur

vo aks ban ke miri chashm-e-tar mein rahtaa hai
ajiib shakhs hai paani ke ghar mein rahtaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

vo gali ham se chhuTti hi nahin
kyaa karein aas TuTti hi nahin

bachche meri ungli thaame dhire dhire chalte the
phir vo aage dauD gae main tanhaa pichhe chhuT gayaa

sadaaein Duub jaati hain havaa ke shor mein aur main
gali-kuchon mein tanhaa chikhtaa rahtaa huun baarish mein