ik din jo yunhi parda-e-aflaak uThaayaa — Dilawar Ali Aazar

ek lamhe ke liye tanhaa nahin hone diyaa
khud ko apne saath rakkhaa jis jahaan ki sair ki

badan ko chhoD hi jaanaa hai ruuh ne 'aazar'
har ik charaagh se aakhir dhuaan nikaltaa hai

sukhan-saraai koi sahl kaam thoDi hai
ye log kis liye janjaal mein paDe hue hain

vahi sitaara-numaa ik charaagh hai 'aazar'
miraa khayaal thaa niklegaa taaq se kuchh aur

use kisi se mohabbat na thi magar us ne
gulaab toD ke duniyaa ko shak mein Daal diyaa

us se milnaa to use eid-mubaarak kahnaa
ye bhi kahnaa ki miri eid mubaarak kar de

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

qaamat hi likhaa ham ne sadaa jaa-e-qayaamat
qaamat ne bhulaayaa tire imlaa-e-qayaamat

rah-e-hayaat mein shaayad hi vo maqaam aae
ki naghma-haa-e-junun par sukut taari ho