us se milnaa to use eid-mubaarak kahnaa — Dilawar Ali Aazar

ek lamhe ke liye tanhaa nahin hone diyaa
khud ko apne saath rakkhaa jis jahaan ki sair ki

badan ko chhoD hi jaanaa hai ruuh ne 'aazar'
har ik charaagh se aakhir dhuaan nikaltaa hai

ik din jo yunhi parda-e-aflaak uThaayaa
barpaa thaa tamaashaa koi tanhaai se aage

sukhan-saraai koi sahl kaam thoDi hai
ye log kis liye janjaal mein paDe hue hain

vahi sitaara-numaa ik charaagh hai 'aazar'
miraa khayaal thaa niklegaa taaq se kuchh aur

use kisi se mohabbat na thi magar us ne
gulaab toD ke duniyaa ko shak mein Daal diyaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

vahaan iid kyaa vahaan diid kyaa
jahaan chaand raat na aai ho

iid hai ham ne bhi jaanaa ki na hoti gar iid
mai-farosh aaj dar-e-mai-kada kyuun vaa kartaa

kyaa lutf-e-id hai jo agar tum se duur hon
guzregaa roz-e-id tasavvur mein aap ke

iid mein iid hui aish kaa saamaan dekhaa
dekh kar chaand jo munh aap kaa ai jaan dekhaa

vahi din hai hamaari iid kaa din
jo tiri yaad mein guzartaa hai