dard-e-dil ki intihaa thi zabt TuuTaa aur phir — Dinesh Kumar

dekho to kaam ek bhi ham ne kahaan kiyaa
puchho to ek pal ki bhi fursat nahin rahi

dekho darakht kaaTne se pahle ek baar
in sabz Tahniyon pe koi ghonsla na ho

mujh ko saphaltaa baiThe biThaae nahin mili
main ne guhar talaashe hain dariyaa khangaal kar

maraasim barf mein dabne na paaein
qarib aao december aa rahaa hai

kar ke taarif vo miri jhuTi
zahr dhimaa chaTaa gayaa hai mujhe

shaairi naam tasavvur mein chhalakti mai kaa
mar hi jaate jo na piine ki ijaazat hoti

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hausle dard-bayaani ke nahin hote hain
ab yahaan lafz maaani ke nahin hote hain

sochte hain ki bari khud ko karoge kaise
ham na boleinge magar dard sunaai deinge

vo lamha bhar ki mili khuld mein jo aazaadi
to qaid ho gae miTTi mein ham sadaa ke liye