main adh-maraa gulaab sar-e-shaakh-e-nim-jaan — Ashfaq Shaheen

itni zamin hi chaahiye bas mujh ko gaanv mein
jaa kar paDaa rahun main jahaan maan ke paanv mein

ham tire hijr mein yuun zard hue jaate hain
log takte hain to hamdard hue jaate hain

aati kab hai roz bulaanaa paDti hai
niind ki khaatir goli khaanaa paDti hai

akelaa aa rahaa hai yaa unhein bhi saath laataa hai
zaraa puchho khabar to lo december kyaa bataataa hai

iraade garche lahron ke baDe sadmaat vaale hain
ye dariyaa ko bataa denaa ki ham gujraat vaale hain

subh-e-nau ke vaaste bekaar huun
main guzishta roz kaa akhbaar huun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

chaand hotaa nahin har ik chehra
phuul hote nahin sukhan saare

sar-e-khaamushi ye sajaavaTein usi rang-o-bu ki misaal hain
jo mahak ho qabr ke phuul mein jo chamak ho sham'-e-mazaar mein

na zikr gul kaa kahin hai na maahtaab kaa hai
tamaam shahr mein charchaa tire shabaab kaa hai