bachpan se len-den thaa us ki sarisht mein — Farhat Zahid

khizaan ke aakhiri din the vo khushbu maangne aayaa
miraa daaman hi khaali thaa main us ko phuul kyaa deti

maan ban chuki huun main bhi magar us se kyaa kahun
jo apni maan ke pyaar se aage na jaa sakaa

ajiib rut hai ye hijr-o-visaal se aage
kamaal hone lagaa hai kamaal se aage

alfaaz na aavaaz na hamraaz na dam-saaz
ye kaise doraahe pe main khaamosh khaDi huun

vo aae to rang sanvarne lagte hain
jaise bichhDaa yaar bhi koi mausam hai

aurat huun magar surat-e-kohsaar khaDi huun
ik sach ke tahaffuz ke liye sab se laDi huun

main baDaa ho gayaa huun magar bachpanaa
mere dil se kabhi bhi gayaa hi nahin

jaise viraan haveli mein hon khaamosh charaagh
ab guzarti hain tire shahr mein shaamein aisi

kyaa tumhein ahd-e-mohabbat ke vo lamhe yaad hain
jab nigaahein bolti thiin aur ham khaamosh the

itaab-o-qahr kaa har ik nishaan bolegaa
main chup rahaa to shikasta makaan bolegaa

ek muddat main khamoshi se rahaa mahv-e-kalaam
tab kahin jaa ke ye lafzon mein maaani aae

hazaaron zulm hon mazlum par to chup rahe duniyaa
agar mazlum kuchh bole to dahshat-gard kahti hai