saaqi ne nigaahon se pilaa di hai ghazab ki — Figar Unnavi

maayus dilon ko ab chheDo bhi to kyaa haasil
TuuTe hue paimaane fariyaad nahin karte

fazaa kaa tang honaa fitrat-e-aazaad se puchho
par-e-parvaaz hi kyaa jo qafas ko aashiyaan samjhe

dil hai miraa rangini-e-aaghaaz pe maail
nazron mein abhi jaam hai anjaam nahin hai

ik teraa aasraa hai faqat ai khayaal-e-dost
sab bujh gae charaagh shab-e-intizaar mein

un pe qurbaan har khushi kar di
zindagi nazr-e-zindagi kar di

partav-e-husn se zarre bhi bane aaine
kitne jalve kiye arzaan tiri raanaai ne

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

itni tauhin na kar meri balaa-noshi ki
saaqiyaa mujh ko na de maap ke paimaane se

riste hue zakhmon kaa ho kuchh aur mudaavaa
ye harf-e-tasalli koi marham to nahin hai

main aur zauq-e-baada-kashi le gaiin mujhe
ye kam-nigaahiyaan tiri bazm-e-sharaab mein