vo lutf uThaaegaa safar kaa — Ghamgeen Dehlvi

jaam le kar mujh se vo kahtaa hai apne munh ko pher
ru-ba-ru yuun tere mai piine se sharmaate hain ham

mujhe jo dosti hai us ko dushmani mujh se
na ikhtiyaar hai us kaa na meraa chaaraa hai

meri ye aarzu hai vaqt-e-marg
us ki aavaaz kaan mein aave

haath se mere vo piitaa nahin muddat se sharaab
yaaro kyaa apni khushi main ne pilaanaa chhoDaa

kiyaa badnaam ik aalam ne 'ghamgin' paak-baazi mein
jo main teri tarah se bad-nazar hotaa to kyaa hotaa

koi samjhaao unhein bahr-e-khudaa ai momino
us sanam ke ishq mein jo mujh ko samjhaate hain log

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

dil ke ujDe nagar ko kar aabaad
is Dagar ko bhi koi raahi de