koi samjhaao unhein bahr-e-khudaa ai momino — Ghamgeen Dehlvi

vo lutf uThaaegaa safar kaa
aap-apne mein jo safar karegaa

jaam le kar mujh se vo kahtaa hai apne munh ko pher
ru-ba-ru yuun tere mai piine se sharmaate hain ham

mujhe jo dosti hai us ko dushmani mujh se
na ikhtiyaar hai us kaa na meraa chaaraa hai

meri ye aarzu hai vaqt-e-marg
us ki aavaaz kaan mein aave

haath se mere vo piitaa nahin muddat se sharaab
yaaro kyaa apni khushi main ne pilaanaa chhoDaa

kiyaa badnaam ik aalam ne 'ghamgin' paak-baazi mein
jo main teri tarah se bad-nazar hotaa to kyaa hotaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

ishq vo kaar-e-musalsal hai ki ham apne liye
ek lamha bhi pas-andaaz nahin kar sakte

ham bane the tabaah hone ko
aap kaa ishq to bahaana thaa

vafaa ikhlaas qurbaani mohabbat
ab in lafzon kaa pichhaa kyuun karein ham