zid par aDe hue hain ye dil bhi dimaagh bhi — Govind Gulshan

pahle talaash kijiye manzil ki rahguzar
phir sochiye ki raah mein divaar kaun hai

rahguzar hai udaas meri tarah
jaane kab vo yahaan se guzregaa

phir mujhe yaad aaegaa bachpan
ik zamaana gumaan se guzregaa

zehn aur dil mein jo an-ban hai vo an-ban na rahe
is liye darmiyaan divaar banaa rakkhi hai

ek mushkil ho to aasaan banaa li jaae
us ne to zindagi dushvaar banaa rakkhi hai

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein