izhaar-e-gham kiyaa thaa ba-ummid-e-iltifaat — Habeeb Ahmad Siddiqui

hai naved-e-bahaar har lab par
kam-nasibon ko e'tibaar nahin

gulon se itni bhi vaabastagi nahin achchhi
rahe khayaal ki ahd-e-khizaan bhi aataa hai

ek kaaba ke sanam toDe to kyaa
nasl-o-millat ke sanam-khaane bahut

tag-o-taaz-e-paiham hai miraas-e-aadam
mire muntazir kuchh jahaan aur bhi hain

faiz-e-ayyaam-e-bahaar ahl-e-qafas kyaa jaanein
chand tinke the nasheman ke jo ham tak pahunche

raanaai-e-bahaar pe the sab farefta
afsos koi mahram-e-raaz-e-khizaan na thaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

firaaq mausam ki chilmanon se visaal lamhe chamak uTheinge
udaas shaamon mein kaaghaz-e-dil pe guzre vaqton ke baab likhnaa

gae zamaanon ki dard kajlaai bhuli bisri kitaab paDh kar
jo ho sake tum se aane vaale dinon ke rangin khvaab likhnaa

so jaati hai basti to makaan pichhli gali mein
tanhaa khaDaa rahtaa hai makinon se nikal kar