amn thaa pyaar thaa mohabbat thaa — Habib Jalib

kuchh aur bhi hain kaam hamein ai gham-e-jaanaan
kab tak koi uljhi hui zulfon ko sanvaare

sher se shaairi se Darte hain
kam-nazar raushni se Darte hain

duniyaa to chaahti hai yunhi faasle rahein
duniyaa ke mashvaron pe na jaa us gali mein chal

aane vaali barkhaa dekhein kyaa dikhlaae aankhon ko
ye barkhaa barsaate din to bin piritam be-kaar gae

kuchh log khayaalon se chale jaaein to soein
biite hue din raat na yaad aaein to soein

ik tiri yaad se ik tere tasavvur se hamein
aa gae yaad kai naam hasinaaon ke

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

aaj bhi 'prem' ke aur 'krishn' ke afsaane hain
aaj bhi vaqt ki jamhuri zabaan hai urdu