paagal kiyaa hai ishq ne aadhaa jo rah gayaa — Haseebul Hasan

hamaare aansu kisi Thikaane to lag rahe hain
furaat ke bad-nasib paani kaa kyaa banegaa

tumhaari aankhon pe nazm kahne se pahle ham ne bhigoi aankhein
sunaa huaa thaa zamin nam ho to achchhi hoti hai kaasht-kaari

ham aise log zaaea ho rahe hain
khudaa chup-chaap dekhe jaa rahaa hai

us ke meaar par khudaa laae
us nazar tak to aa gae hain ham

sitaare dekhne vaale hamein bataate hain
hamaare honT tumhaari jabin ko tarseinge

ye saath gaanv mein ek chhoTaa saa kaam hai bas
miri udaasi udaas mat ho main aa rahaa huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

vo dard uThaa dil mein ki jis dard kaa darmaan
gar ho na pas-e-lafz to miltaa hai sar-e-daar

jaane vo kaun thaa aur kis ko sadaa detaa thaa
us se bichhDaa hai koi itnaa pata detaa thaa

tu koi gham hai to dil mein jagah banaa apni
tu ik sadaa hai to ehsaas ki kamaan se nikal