tumhaare husn kaa sadqa utarnaa laazmi hai — Haseebul Hasan

hamaare aansu kisi Thikaane to lag rahe hain
furaat ke bad-nasib paani kaa kyaa banegaa

tumhaari aankhon pe nazm kahne se pahle ham ne bhigoi aankhein
sunaa huaa thaa zamin nam ho to achchhi hoti hai kaasht-kaari

ham aise log zaaea ho rahe hain
khudaa chup-chaap dekhe jaa rahaa hai

us ke meaar par khudaa laae
us nazar tak to aa gae hain ham

sitaare dekhne vaale hamein bataate hain
hamaare honT tumhaari jabin ko tarseinge

ye saath gaanv mein ek chhoTaa saa kaam hai bas
miri udaasi udaas mat ho main aa rahaa huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

aansu bataa rahe hain ki mujh mein hai zindagi
yaa'ni main intizaar mein patthar nahin huaa

miri barbaadiyon kaa ham-nashino
tumhein kyaa khud mujhe bhi gham nahin hai

rudaad-e-gham-e-ulfat un se ham kyaa kahte kyunkar kahte
ik harf na niklaa honTon se aur aankh mein aansu aa bhi gae