shaam ho yaa ki sahar yaad unhin ki rakhni — Hasrat Mohani

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

raat din naama-o-paighaam kahaan tak doge
saaf kah dijiye milnaa hamein manzur nahin

'hasrat' bahut hai martaba-e-aashiqi buland
tujh ko to muft logon ne mashhur kar diyaa

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

ham kyaa karein agar na tiri aarzu karein
duniyaa mein aur bhi koi tere sivaa hai kyaa

chhup nahin sakti chhupaane se mohabbat ki nazar
paD hi jaati hai rukh-e-yaar pe hasrat ki nazar

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

phir mujhe yaad aaegaa bachpan
ik zamaana gumaan se guzregaa

dil kaa har zakhm tiri yaad kaa ik phuul bane
mere pairaahan-e-jaan se tiri khushbu aae

ek aansu yaad kaa Tapkaa to dariyaa ban gayaa
zindagi bhar mujh mein ek tufaan saa paltaa rahaa

hamein yaad rakhnaa hamein yaad karnaa
agar koi taaza sitam yaad aae