har taraf ik muhib sannaaTaa — Himayat Ali Shayar

taariki mein lipTi hui pur-haul khamoshi
is aalam mein kyaa nahin mumkin jaagte rahnaa

apne kisi amal pe nadaamat nahin mujhe
thaa nek-dil bahut jo gunahgaar mujh mein thaa

is jahaan mein to apnaa saaya bhi
raushni ho to saath chaltaa hai

main kuchh na kahun aur ye chaahun ki miri baat
khushbu ki tarah uD ke tire dil mein utar jaae

phir miri aas baDhaa kar mujhe maayus na kar
haasil-e-gham ko khudaa-raa gham-e-haasil na banaa

tujh se vafaa na ki to kisi se vafaa na ki
kis tarah intiqaam liyaa apne aap se

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki taklif kam nahin karte
ab koi shikva ham nahin karte

baadalon ne aaj barsaayaa lahu
amn kaa har faakhta rone lagaa

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

phir aaj ek ghazal keh ke main mo'attar huun
phir aaj zakhm kiye apne sandali main ne