fasaana ab koi anjaam paanaa chaahtaa hai — Humaira Rahat

jahaan ik shakhs bhi miltaa nahin hai chaahne se
vahaan ye dil hatheli par zamaana chaahtaa hai

bahut taakhir se paayaa hai khud ko
main apne sabr kaa phal ho gai huun

sunaa hai khvaab mukammal kabhi nahin hote
sunaa hai ishq khataa hai so kar ke dekhte hain

huzur aap koi faisla karein to sahi
hain sar jhuke hue darbaar bhi lagaa huaa hai

zikr sunti huun ujaale kaa bahut
us se kahnaa ki mire ghar aae

guzar jaaegi saari raat is mein
miraa qissa kahaani se baDaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

ye aalaam-e-hasti ye daur-e-zamaana
to kyaa ab tumhein bhuul jaanaa paDegaa

milnaa aur bichhaD jaanaa kisi raste par
ik yahi qissa aadamiyon ke saath rahaa

idhar se main bhi jaanaa chaahtaa huun
udhar se bhi ishaara ho gayaa hai

pi liyaa karte hain jiine ki tamannaa mein kabhi
laDkhaDaanaa bhi zaruri hai sambhalne ke liye