milnaa aur bichhaD jaanaa kisi raste par — Sarvat Husain

saya-e-abr se puchho 'sarvat'
apne hamraah agar le jaae

shahzaadi tujhe kaun bataae tere charaag-kade tak
kitni mehraabein paDti hain kitne dar aate hain

kyuun girafta-dil nazar aati hai ai shaam-e-firaaq
ham jo tere naaz uThaane ke liye maujud hain

jise anjaam tum samajhti ho
ibtidaa hai kisi kahaani ki

ik daastaan ab bhi sunaate hain farsh o baam
vo kaun thi jo raqs ke aalam mein mar gai

teri aashufta-mizaaji ai dil
kyaa khabar kaun nagar le jaae

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

kab lauTaa hai bahtaa paani bichhDaa saajan ruThaa dost
ham ne us ko apnaa jaanaa jab tak haath mein daamaan thaa

jab shahr ke log na rastaa dein kyuun ban mein na jaa bisraam kare
divaanon ki si na baat kare to aur kare divaanaa kyaa

zindagi main bhi chalungaa tire pichhe pichhe
tu mire dost kaa naqsh-e-kaf-e-paa ho jaanaa