ham zaifon ko kahaan aamad o shud ki taaqat — Imam Bakhsh Nasikh

ham mai-kashon ko Dar nahin marne kaa mohtasib
firdaus mein bhi sunte hain nahr-e-sharaab hai

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

shubh 'naasikh' nahin kuchh 'mir' ki ustaadi mein
aap be-bahra hai jo mo'taqid-e-'mir' nahin

kaam kyaa nikle kisi tadbir se
aadmi majbur hai taqdir se

vo nahin bhultaa jahaan jaaun
haae main kyaa karun kahaan jaaun

takallum hi faqat hai us sanam kaa
khudaa ki tarah goyaa be-dahaan hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

tumhein jafaa se na yuun baaz aanaa chaahiye thaa
abhi kuchh aur miraa dil dukhaanaa chaahiye thaa

zaraa si baat nahin hai kisi kaa ho jaanaa
ki umr lagti hai but ko khudaa banaane mein

khud-kushi ik aakhiri koshish hai zinda rahne ki
khud-kushi karne ko ik parvaah bhi to chaahiye