shubh 'naasikh' nahin kuchh 'mir' ki ustaadi mein — Imam Bakhsh Nasikh

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

ham mai-kashon ko Dar nahin marne kaa mohtasib
firdaus mein bhi sunte hain nahr-e-sharaab hai

ham zaifon ko kahaan aamad o shud ki taaqat
aankh ki band huaa kucha-e-jaanaan paidaa

kaam kyaa nikle kisi tadbir se
aadmi majbur hai taqdir se

vo nahin bhultaa jahaan jaaun
haae main kyaa karun kahaan jaaun

takallum hi faqat hai us sanam kaa
khudaa ki tarah goyaa be-dahaan hai

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

dil mein na ho jurat to mohabbat nahin milti
khairaat mein itni baDi daulat nahin milti