sadaa har baar dohraayaa gayaa huun — Inder Saraazi

aakhiri umr tak rahegi yaad
raat main saath jis ke bhigaa thaa

aankhein maltaa rotaa chaand
dekho phir se niklaa chaand

baDi mushkil se bahlaayaa thaa khud ko
achaanak yaad teri aa gai phir

ab kisi kaam ke nahin ye rahe
dil vafaa ishq aur tanhaai

raaz-daan hote hain vo ghar aksar
jin gharon mein dhuaan nahin hotaa

abhi to mausam-e-khizaan hai ye
khileinge phuul bhi bahaar ke saath

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

main aa kar dushmanon mein bas gayaa huun
yahaan hamdard hain do-chaar mere

qaanun jaise kho chukaa sadiyon kaa e'timaad
ab kaun dekhtaa hai khataa kaa hai rukh kidhar