dil hai gar pyaar se sarshaar to mumkin hai 'habib' — JaiKrishn Chaudhry Habeeb

bichhDe mujh se is tarah vo zindagi ke ham-safar
bujh gae hon jalte jalte jaise raste ke charaagh

'habib' khud hi banaaeinge roz-o-shab apne
huaa hi kyaa jo zamaane ne saath chhoD diyaa

har ik fasurda qalb pe chhaai shaguftagi
jab chhiD gai hai bazm mein us gul-badan ki baat

baDhti gaiin jafaaein jahaan raah-e-shauq mein
josh-e-junun baDhaataa gayaa tez-tar mujhe

paa ke ik teraa tabassum muskuraai kaaenaat
jhuum uTThaa vo bhi dil jiine se jo bezaar thaa

nikhat vahi surur vahi dil-kashi vahi
aamad ye aap ki hai ki jhonkaa bahaar kaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

bahut ghaaTe mein hai urdu zabaan kyon
mohabbat ki zabaan hote hue bhi

mire hi ghar mein rahnaa chaahti hai
mohabbat dar-ba-dar hote hue bhi

mohabbat mein ik aisaa vaqt bhi aataa hai insaan par
sitaaron ki chamak se choT lagti hai rag-e-jaan par

ye sharaab-e-ishq ai 'simaab' hai piine ki chiiz
tund bhi hai bad-maza bhi hai magar iksir hai