saabit huaa sukun-e-dil-o-jaan kahin nahin — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dinon mahinon aankhein roiin nai ruton ki khvaahish mein
rut badli to sukhe patte dahlizon mein dar aae

aaj bhi buri kyaa hai kal bhi ye buri kyaa thi
is kaa naam duniyaa hai ye badalti rahti hai

haan bichhaDne kaa iraada karnaa thaa so kar liyaa
apne dil kaa bojh aadhaa karnaa thaa so kar liyaa

mire naqsh-e-qadam par ahl-e-dil kaa qaafila hogaa
main apni raah mein aisi baghaavat chhoD aai huun