kashti-e-mai ko hukm-e-ravaani bhi bhej do — Josh Malihabadi

dil ki choTon ne kabhi chain se rahne na diyaa
jab chali sard havaa main ne tujhe yaad kiyaa

us ne vaa'da kiyaa hai aane kaa
rang dekho gharib-khaane kaa

insaan ke lahu ko piyo izn-e-aam hai
angur ki sharaab kaa piinaa haraam hai

aaDe aayaa na koi mushkil mein
mashvare de ke haT gae ahbaab

vo karein bhi to kin alfaaz mein teraa shikva
jin ko teri nigah-e-lutf ne barbaad kiyaa

kaam hai meraa taghayyur naam hai meraa shabaab
meraa naara inqilaab o inqilaab o inqilaab

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ruuh kis mast ki pyaasi gai mai-khaane se
mai uDi jaati hai saaqi tire paimaane se

is havaa mein kar rahe hain ham tiraa hi intizaar
aa kahin jaldi se saaqi shisha o saaghar samet

dekhaa kiye vo mast nigaahon se baar baar
jab tak sharaab aai kai daur ho gae

tere haathon mile agar murshid
chaae piinaa savaab lagtaa hai