hamein dekho hamaare paas baiTho ham se kuchh sikho — Kishwar Naheed

mardon ko sab ravaa pa hai aurat ko naaravaa
sharm-o-hayaa kaa shahr mein charchaa bhi hai ajab

us ko fursat bhi nahin mujh ko tamannaa bhi nahin
phir khalish kyaa hai ki rah rah ke vafaa DhunDhti hai

dil mein hai mulaaqaat ki khvaahish ki dabi aag
mehndi lage haathon ko chhupaa kar kahaan rakkhun

kuchh din to malaal us kaa haq thaa
bichhDaa to khayaal us kaa haq thaa

apni be-chehragi chhupaane ko
aaine ko idhar udhar rakkhaa

kaun jaane ki uDti hui dhuup bhi
kis taraf kaun si manzilon mein gai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

'yagaanaa' vahi faateh-e-lakhknau hain
dil-e-sang-o-aahan mein ghar karne vaale

sard-mehri se tiri garmi-e-ulfat na rahi
dil mein uThtaa thaa jo har-dam vo sharaara bhi gayaa

phir nahin mere sivaa koi bhi hotaa teraa
tu agar jaan ye jaataa ki mohabbat kyaa hai