khirad DhunDhti rah gai vajah-e-gham — Kalidas Gupta Raza

azal se taa-ba-abad ek hi kahaani hai
isi se ham ko nai daastaan banaani hai

ham na maaneinge khamoshi hai tamannaa kaa mizaaj
haan bhari bazm mein vo bol na paai hogi

saamnaa aaj anaa se hogaa
baat rakhni hai to sar de denaa

ab koi DhunD-DhaanD ke laao nayaa vajud
insaan to bulandi-e-insaan se ghaT gayaa

duniyaa to sidhi hai lekin duniyaa vaale
jhuTi sachchi kah ke use bahkaate honge

zamaana husn nazaakat balaa jafaa shokhi
simaT ke aa gae sab aap ki adaaon mein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ek dard ki lazzat barqaraar rakhne ko
kuchh latif jazbon ki khuun se aabyaari ki

hijr thaa baar-e-amaanat ki tarah
so ye gham aakhiri hichki se uThaa

ab kisi kaam ke nahin ye rahe
dil vafaa ishq aur tanhaai