aksar isi khayaal ne maayus kar diyaa — Kamil Akhtar

lamhon ke taar khinchtaa rahtaa thaa raat din
ik shakhs le gayaa miri sadiyaan sameT ke

manzaron ki bhiiD aisi to kabhi dekhi na thi
gaanv achchhaa thaa magar us mein koi laDki na thi

ruton ke rang badalte hue bhi banjar hai
vo ek khaas ilaaqa jo dil ke andar hai

umr bhar yaad rahaa apni vafaaon ki tarah
ek vo ahd jise aap ne puuraa na kiyaa

ab to har vaqt vahi itnaa rulaataa hai mujhe
jis ko jaate hue main dekh ke ro bhi na sakaa

kam-umri mein sunet hain
mar jaate hain achchhe log

umr hi teri guzar jaaegi un ke hal mein
teraa bachcha jo savaalaat liye baiThaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

idhar to tuul diyaa hai umiid ko us ne
udhar hayaat ataa ki hai mukhtasar mujh ko