lamhon ke taar khinchtaa rahtaa thaa raat din — Kamil Akhtar

manzaron ki bhiiD aisi to kabhi dekhi na thi
gaanv achchhaa thaa magar us mein koi laDki na thi

aksar isi khayaal ne maayus kar diyaa
shaayad tamaam umr yuun hi kaaTni paDe

ruton ke rang badalte hue bhi banjar hai
vo ek khaas ilaaqa jo dil ke andar hai

umr bhar yaad rahaa apni vafaaon ki tarah
ek vo ahd jise aap ne puuraa na kiyaa

ab to har vaqt vahi itnaa rulaataa hai mujhe
jis ko jaate hue main dekh ke ro bhi na sakaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dard to zakhm ki paTTi ke haTaane se uThaa
aur kuchh aur bhi marham ke lagaane se uThaa

kahnaa paDaa unhin ko masihaa-e-vaqt bhi
jin se hamaare dard kaa darmaan na ho sakaa

sukhan ke aakhiri dar par sadaa lagaataa huun
'zahur' agle zamaanon se guftugu hai miri