zamin aabaad hoti jaa rahi hai — Kashif Husain Ghair

na ham vahshat mein apne ghar se nikle
na sahraa apni viraani se niklaa

bane hain kaam sab uljhan se mere
yahi atvaar hain bachpan se mere

zindagi mein kasak zaruri thi
ye khalaa pur tiri kami se huaa

haal puchhaa na kare haath milaayaa na kare
main isi dhuup mein khush huun koi saaya na kare

kyaa chaahti hai ham se hamaari ye zindagi
kyaa qarz hai jo ham se adaa ho nahin rahaa

mere andar kaa shor hai mujh mein
varna baahar to khaamushi hai yahaan

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

rahein gham ki sharar-angeziyaan yaa-rab qayaamat tak
'hayaa' gham se na milti gar kabhi fursat to achchhaa thaa

har sadaa se bach ke vo ehsaas-e-tanhaai mein hai
apne hi divaar-o-dar mein gunjtaa rah jaaegaa

zabt-e-gham vufur-e-shauq aur dil-e-naa-subur-e-ishq
mujh ko to hai ghurur-e-ishq aap ko naaz ho na ho