zaraa saa vaqt jo badlaa to ham pe hansne lage — Kashif Syed

aisaa na ho ki dosti bhi jaae haath se
ham haath mein gulaab liye sochte rahe

is paraae shahr mein ai kaash koi ye kahe
raat kaa khaanaa hamaare saath khaanaa hai tumhein

ham 'jaun-eliyaa' ke zamaane mein dosto
'ghaalib' kaa intikhaab liye sochte rahe

log ham se sikhte hain gham chhupaane kaa hunar
aao tum ko bhi sikhaa dein muskuraane kaa hunar

hijraton ke karb ko aise chhupaanaa hai tumhein
koi jab bhi haal puchhe muskuraanaa hai tumhein

shikasta naav samajh kar Dubone vaale log
na paa sake mujhe saahil pe khone vaale log

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kyuun tire dard ko dein tohmat-e-viraani-e-dil
zalzalon mein to bhare shahr ujaD jaate hain

pahlu mein agar dil hai to tu dil mein hai mere
go nang-e-khalaaeq huun magar jaan-e-jahaan huun

aisaa lagtaa hai ki vo bhuul gayaa hai ham ko
ab kabhi khiDki kaa pardaa nahin badlaa jaataa