har shakl rafta rafta anjaan ho gai hai — Manmohan Talkh

kisi ke saath na hone ke dukh bhi jhele hain
kisi ke saath magar aur bhi akele hain

main khud mein gunjtaa huun ban ke teraa sannaaTaa
mujhe na dekh miri tarah be-zabaan ban kar

ham kai roz se be-vajh bahut khush hain chalo
zindagi ki ye adaaein bhi to dekhi jaaein

baar-haa khud pe main hairaan bahut hotaa huun
koi hai mujh mein jo bilkul hi judaa hai mujh se

duniyaa meri zindagi ke din kam karti jaati hai kyuun
khuun pasina ek kiyaa hai ye meri mazduri hai

shikaayat aur to kuchh bhi nahin in aankhon se
zaraa si baat pe paani bahut barastaa hai

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai