ghaur se dekh gulshan-e-duniyaa — Minhaj Ali

yahi hai vaqt ki ji bhar ke dekh luun us ko
vo saamne hai magar dekhtaa nahin hai mujhe

didaar kaa visaal mein aayaa na koi lutf
us rukh pe be-rukhi ke the parde paDe hue

bajaa ki raunaq-e-mahfil abhi uruuj pe hai
main kyaa karun miri khalvat bulaa rahi hai mujhe

gulshan-e-dahr se khushbu ki tarah guzraa main
sab ko mahkaayaa magar apni numaaish nahin ki

darmiyaan garche hijaabaat nahin duuri ke
ab jo haail hai vo parda hai shanaasaai kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

nikal gayaa miri aankhon se misl-e-khvaa-o-khayaal
guzar gayaa dil-e-raushan se vo nazar ban kar

ye dil kab ishq ke qaabil rahaa hai
kahaan is ko dimaagh o dil rahaa hai

dil toD diyaa us ne ye kah ke nigaahon se
patthar se jo Takraae vo jaam nahin hotaa

toD kar kaabe ko masjid na banaao zaahid
khaana-barbaad kisi dil hi mein kar ghar paidaa