aataa hai daagh-e-hasrat-e-dil kaa shumaar yaad — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

saadgi o purkaari be-khudi o hushyaari
husn ko taghaaful mein jurat-aazmaa paayaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

marte hain aarzu mein marne ki
maut aati hai par nahin aati

mere khvaabon ke jharokon ko sajaate rahiye
na sahi vasl magar yaad to aate rahiye

mohabbat ab nahin hogi ye kuchh din baa'd mein hogi
guzar jaaeinge jab ye din ye un ki yaad mein hogi

muddaton baad jo is raah se guzraa huun 'qamar'
ahd-e-rafta ko bahut yaad kiyaa hai main ne

aahaTein sun rahaa huun yaadon ki
aaj bhi apne intizaar mein gum

mere siine se nikaalo miri buniyaad ki jaan
itni aasaani se viraan nahin hotaa main

ye ajnabi si manzilein aur raftagaan ki yaad
tanhaaiyon kaa zahr hai aur ham hain dosto