aap hamdardi na yuun jatlaaiye — Mohammad Mustahsan Jami

rang badlaa huaa thaa phulon kaa
tum yaqinan udaas guzre the

bin dekhe bhi chain nahin hai 'mustahsan'
dekhun to saari binaai jaati hai

tiri lab-kushaai pe munhasir miri zindagaani hai dostaa
tiraa bolnaa bhi qubul hai tiri khaamushi bhi aziiz hai

lutf ki in pe koi khaas nazar hai ki nahin
apne maston ki koi khair-khabar hai ki nahin

sivaae is ke koi bhi masrufiyat nahin hai
main in dinon bas charaagh taqsim kar rahaa huun

ham talvaar uThaa nahin paae
ham aavaaz uThaa sakte the

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

parde mein khamoshi ke burqe mein udaasi ke
shaayad koi aa jaae darvaaza khulaa rakhnaa

koThe ujaaD khiDkiyaan chup raaste udaas
jaate hi un ke kuchh na rahaa zindagi ke paas

hazaar rang mein mumkin hai dard kaa izhaar
tire firaaq mein marnaa hi kyaa zaruri hai