parde mein khamoshi ke burqe mein udaasi ke — Shohrat Bukhari

ye kis azaab mein chhoDaa hai tu ne is dil ko
sukun yaad mein teri na bhulne mein qaraar

haan ai gham-e-ishq mujh ko pahchaan
dil ban ke dhaDak rahaa huun kab se

kuchh aisaa dhuaan hai ki ghuTTi jaati hain saansein
is raat ke baa'd aaoge shaayad na kabhi yaad

ham-safar ho to koi apnaa-saa
chaand ke saath chaloge kab tak

har samt falak-bos pahaaDon ki qataarein
'khusrav' hai na 'shirin' hai na tesha hai na farhaad

jab tujhe bhulnaa chaahaa dil ne
ik nae gham ki sazaa di ham ne

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

aankh nam rukh par udaasi dard bhi dil ke qarib
kyaa mohabbat aa gai hai apni manzil ke qarib

sabhi khush hain ki saare gum-shuda phir mil gae hain
mujhe gham hai ki ab teri kami gum ho gai hai

dhuaan detaa hai daamaan-e-mohabbat
in aankhon se koi aansu giraa hai