koThe ujaaD khiDkiyaan chup raaste udaas — Shohrat Bukhari

ye kis azaab mein chhoDaa hai tu ne is dil ko
sukun yaad mein teri na bhulne mein qaraar

haan ai gham-e-ishq mujh ko pahchaan
dil ban ke dhaDak rahaa huun kab se

kuchh aisaa dhuaan hai ki ghuTTi jaati hain saansein
is raat ke baa'd aaoge shaayad na kabhi yaad

ham-safar ho to koi apnaa-saa
chaand ke saath chaloge kab tak

har samt falak-bos pahaaDon ki qataarein
'khusrav' hai na 'shirin' hai na tesha hai na farhaad

jab tujhe bhulnaa chaahaa dil ne
ik nae gham ki sazaa di ham ne

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

uThte dekhaa jo tum ko pahlu se
dard bhi uTh khaDaa huaa dil kaa

usi maqaam pe kal mujh ko dekh kar tanhaa
bahut udaas hue phuul bechne vaale