akelaa ho rah-e-duniyaa mein gir chaahe bahut jiinaa — Mohammad Rafi Sauda

ammaame ko utaar ke paDhiyo namaaz shaikh
sajde se varna sar ko uThaayaa na jaaegaa

kis munh se phir tu aap ko kahtaa hai ishq-baaz
ai ru-siyaah tujh se to ye bhi na ho sakaa

firaaq-e-khuld se gandum hai sina-chaak ab tak
ilaahi ho na vatan se koi gharib judaa

'saudaa' se shakhs ke taiin aazurda kijiye
ai khud-parast haif nahin tu vafaa-parast

ishq se to nahin huun main vaaqif
dil ko shoala saa kuchh lipaTtaa hai

ye to nahin kahtaa huun ki sach-much karo insaaf
jhuTi bhi tasalli ho to jiitaa hi rahun main

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

mire khudaa mujhe thoDi si zindagi de de
udaas mere janaaze se jaa rahaa hai koi

teraa milnaa khushi ki baat sahi
tujh se mil kar udaas rahtaa huun

vaqt ke qadr-daan ki nazron mein
zindagi mukhtasar nahin hoti