jo de sakaa na pahaaDon ko barf ki chaadar — Mohsin Naqvi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

tumhein jab ru-ba-ru dekhaa kareinge
ye sochaa hai bahut sochaa kareinge

mausam-e-zard mein ek dil ko bachaaun kaise
aisi rut mein to ghane peD bhi jhaD jaate hain

kaun si baat hai tum mein aisi
itne achchhe kyuun lagte ho

baDi umr ke baa'd in aankhon mein koi abr utraa tiri yaadon kaa
mire dil ki zamin aabaad hui mire gham kaa nagar shaadaab huaa

azal se qaaem hain donon apni zidon pe 'mohsin'
chalegaa paani magar kinaara nahin chalegaa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

kul kaaenaat fikr se aazaad ho gai
insaan misaal-e-dast-e-tah-e-sang rah gayaa

miri fitrat mein bachpan hi se zid hai is liye ab bhi
charaaghon ko havaa ke saamne maddham nahin kartaa

'naadir' tum apni pyaas kahaan le ke aa gae
qatre udhaar maang ke dariyaa bane hain log

ik nadi mein saikDon dariyaa ki tughyaani mili
Dubne vaale ko mar jaane ki aasaani mili

raabta kyuun rakhun main dariyaa se
pyaas bujhti hai meri sahraa se