ruh-o-badan mein jaari hai ik maarka-e-khun sadiyon se — Moid Rasheedi

itnaa aasaan nahin lafzon ko ghazal kar lenaa
shor ko sher banaane mein jigar lagtaa hai

vo chaahte hain ki har baat maan li jaae
aur ek main huun ki har baat kaaT detaa huun

ab eatibaar nahin meri jaan kisi kaa nahin
charaagh sab ke liye hai dhuaan kisi kaa nahin

havas ki dhuup mein phailaa hai shor-e-khalq-e-khudaa
sunaa kisi ne nahin bastiyon mein girya-e-khaak

bichhaDte vaqt kahnaa thaa bahut kuchh
main kyaa kahtaa judaa hone se pahle

jab bhi aql banaati hai pahlaa misraa
dil ko misra-e-saani honaa paDtaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dard-e-dil zindagi ki khushi pi gayaa
ik samundar hamaari nadi pi gayaa

main vaqt ke kohraam mein kho jaaun to kyaa gham
DhunDegaa zamaana miri aavaaz kaa chehra

simTe rahe to dard ki tanhaaiyaan milin
jab khul gae to dahr ki rusvaaiyaan milin