khaDaa huun zer-e-falak gumbad-e-sadaa mein 'munir' — Muneer Niyazi

ik tez raad jaisi sadaa har makaan mein
logon ko un ke ghar mein Daraa denaa chaahiye

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

shaayad ki khudaa mein aur mujh mein
ik jast kaa aur faasla hai

tum ham-safar hue to hui zindagi aziiz
mujh mein to zindagi kaa koi hausla na thaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

laai hai ab uDaa ke gae mausamon ki baas
barkhaa ki rut kaa qahr hai aur ham hain dosto

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

abhi aai bhi nahin kucha-e-dilbar se sadaa
khil gai aaj mire dil ki kali aap hi aap

tujhe kis baat kaa gham hai vo itnaa puchh lein mujh se
vo itnaa puchh lein mujh se to phir kis baat kaa gham hai

bahut royaa huun main jab se ye main ne khvaab dekhaa hai
ki aap aansu bahaate saamne dushman ke baiThe hain