laai hai ab uDaa ke gae mausamon ki baas — Muneer Niyazi

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

shaayad ki khudaa mein aur mujh mein
ik jast kaa aur faasla hai

tum ham-safar hue to hui zindagi aziiz
mujh mein to zindagi kaa koi hausla na thaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

jo dil ko hai khabar kahin milti nahin khabar
har subh ik azaab hai akhbaar dekhnaa

ik tez raad jaisi sadaa har makaan mein
logon ko un ke ghar mein Daraa denaa chaahiye

jab ki pahlu se yaar uThtaa hai
dard be-ikhtiyaar uThtaa hai

dushmani ko buraa na kah ai dost
dekh kyaa dosti hai ghaur se dekh

insaaf ke parde mein ye kyaa zulm hai yaaro
dete ho sazaa aur khataa aur hi kuchh hai

yaar main itnaa bhukaa huun
dhokaa bhi khaa letaa huun

visaal-e-yaar ki khvaahish mein aksar
charaagh-e-shaam se pahle jalaa huun

matruk raaston pe palaT aane kaa khayaal
'haidar-husain’ yaar bahut der ho gai