kuchh vaqt chaahte the ki sochein tire liye — Muneer Niyazi

ik tez raad jaisi sadaa har makaan mein
logon ko un ke ghar mein Daraa denaa chaahiye

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

shaayad ki khudaa mein aur mujh mein
ik jast kaa aur faasla hai

tum ham-safar hue to hui zindagi aziiz
mujh mein to zindagi kaa koi hausla na thaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

laai hai ab uDaa ke gae mausamon ki baas
barkhaa ki rut kaa qahr hai aur ham hain dosto

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tujh ko bhi kyuun yaad rakhaa
soch ke ab pachhtaate hain

zindagi khvaab hai aur khvaab bhi aisaa ki miyaan
sochte rahiye ki is khvaab ki taabir hai kyaa

zakhm gintaa huun shab-e-hijr mein aur sochtaa huun
main to apnaa bhi na thaa kaise tumhaaraa huaa huun

bhuke hain ahl-e-ilm gadhe khaa rahe hain khiir
thu thu tire nizaam-e-hukumat pe aakh-thu