tujh se main jang kaa elaan bhi kar hi dungaa — Nadeem Gullani

tamaam umr tire intizaar mein hamdam
khizaan-rasida rahaa huun bahaar kar mujh ko

umr bhar rahnaa hai taabir se gar duur tumhein
phir mire khvaab mein aane ki zarurat kyaa hai

tumhein hamaari mohabbaton ke hasin jazbe bulaa rahe hain
jo ham ne likkhe the tum pe hamdam vo saare naghme bulaa rahe hain

nahin hai jis kaa hal ab to koi 'nadim' bas ik sivaa tumhaare
main ek aisaa hi masala huun mujhe duaaon mein yaad rakhnaa

duniyaa badal gai thi koi gham na thaa mujhe
tum bhi badal gae the ye hairaani khaa gai

tu samajhtaa hai gar fuzul mujhe
kar ke himmat zaraa saa bhuul mujhe

pyaaso raho na dasht mein baarish ke muntazir
maaro zamin pe paanv ki paani nikal paDe

pyaasi bahut thiin hasratein lo aaj mar gaiin
baarish kaa intizaar thaa vo bhi nahin rahaa

bijli chamki to abr royaa
yaad aa gai kyaa hansi kisi ki

ab ke saavan mein sharaarat ye mire saath hui
meraa ghar chhoD ke kul shahr mein barsaat hui

aasmaan kahte hain jis ko vo zamin-e-sher hai
maah-e-nau misraa hai vasf-e-abru-e-khamdaar mein

main bazm mein teri huun na hone ke baraabar
is par bhi tire khaatir-e-naazuk pe giraan huun