ab tak hamaari umr kaa bachpan nahin gayaa — Nashtar Khaanqahi

pursish-e-haal se gham aur na baDh jaae kahin
ham ne is Dar se kabhi haal na puchhaa apnaa

main ghar basaa ke samundar ke biich soyaa thaa
uThaa to aag ki lapTon mein thaa makaan miraa

dhamak kahin ho larazti hain khiDkiyaan meri
ghaTaa kahin ho Tapaktaa hai saaebaan miraa

din nikalnaa thaa ki saare shahr mein bhagdaD machi
anginat khvaabon ke chehre bhiiD mein gum ho gae

har baar nayaa le ke jo fitna nahin aayaa
is umr mein aisaa koi lamha nahin aayaa

bichhaD kar us se sikhaa hai tasavvur ko badan karnaa
akele mein use chhunaa akele mein sukhan karnaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar ki baat bigDi ik zaraa si baat mein
ek lamha zindagi bhar ki kamaai khaa gayaa

aas hi se dil mein paidaa zindagi hone lagi
shama jalne bhi na paai raushni hone lagi

justuju kaa ik ajab silsila taa-umr rahaa
khud ko khonaa thaa kahin aur kahin DhunDhnaa thaa