chamak hai dard hai kaundan paDi hai huuk uThti hai — Nazeer Akbar Abadi

jise mol lenaa ho le le khushi se
main is vaqt donon jahaan bechtaa huun

ghash khaa ke giraa pahle hi shoale ki jhalak se
muusaa ko bhalaa kahiye to kyaa tuur ki sujhi

mai bhi hai miinaa bhi hai saaghar bhi hai saaqi nahin
dil mein aataa hai lagaa dein aag mai-khaane ko ham

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

mazmun-e-sard-mehri-e-jaanaan raqam karun
gar haath aae kaaghaz-e-kashmir kaa varaq

vo aap se ruThaa nahin manne kaa 'nazir' aah
kyaa dekhe hai chal paanv paD aur us ko manaa laa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

raat aakhir hai yahaan aayaa nazar aasaar-e-subh
shama ki phiki hai lau honTon ki hai laali hai udaas

raah takte jism ki majlis mein sadiyaan ho gaiin
jhaank kar andhe kunein mein ab to koi bol de

ai shab-e-gham mire muqaddar ki
tere daaman mein ik sahar hoti