kaise hoti hai shab ki sahar dekhte — Neena Sahar

zakhm bhi ab hasin lagte hain
tere haathon fareb khaane par

hasrat-e-mausam-e-gulaab huun main
sach na ho paaegaa vo khvaab huun main

tire vajud ko chhu le to phir mukammal ho
bhaTak rahi hai khushi kab se dar-ba-dar mujh mein

kal tire ehsaas ki baarish tale
meraa sunaa-pan nahaayaa der tak

miri pyaas kaa taraana yuun samajh na aa sakegaa
mujhe aaj sun ke dekho miri khaamoshi se aage

maaro patthar bhi to nahin hiltaa
jam chukaa hai ab is qadar paani

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

un aankhon mein Daal kar jab aankhein us raat
main Duubaa to mil gae Duube hue jahaaz

aataa huun main zamaane ki aankhon mein raat din
lekin khud apni nazron se ab tak nihaan huun main

rukhsat huaa shabaab to ab aap aae hain
ab aap hi bataaiye sarkaar kyaa karein