hasrat-e-mausam-e-gulaab huun main — Neena Sahar

zakhm bhi ab hasin lagte hain
tere haathon fareb khaane par

tire vajud ko chhu le to phir mukammal ho
bhaTak rahi hai khushi kab se dar-ba-dar mujh mein

kal tire ehsaas ki baarish tale
meraa sunaa-pan nahaayaa der tak

miri pyaas kaa taraana yuun samajh na aa sakegaa
mujhe aaj sun ke dekho miri khaamoshi se aage

maaro patthar bhi to nahin hiltaa
jam chukaa hai ab is qadar paani

kaise hoti hai shab ki sahar dekhte
kaash ham bhi kabhi jaag kar dekhte

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

ab to khvaahish bhi yahi hai ki hamaare hisse
hijr aayaa hai faqat hijr hi aataa jaae

taa umr phir na hogi ujaalon ki aarzu
tu bhi kisi charaag ki lau se lipaT ke dekh

kis se shikva karein viraani-e-hasti kaa 'hayaat'
ham ne khud apni tamannaaon ko jiine na diyaa

aafrin tujh ko hasrat-e-didaar
chashm-e-tar se zabaan kaa kaam liyaa

tamannaa hai yahi dil ki vahin chaliye vahin chaliye
vo mahfil aah jis mahfil mein duniyaa luT gai apni