khush-gumaan har aasraa be-aasraa saabit huaa — Zafar Moradabadi

yunhi kisi ki koi bandagi nahin kartaa
buton ke chehron pe tevar khudaa ke rakkhe the

miri ummid kaa suraj ki teri aas kaa chaand
diye tamaam hi rukh par havaa ke rakkhe the

baDhe kuchh aur kisi iltijaa se kam na hue
mire harif tumhaari duaa se kam na hue

kaarvaan se jo bhi bichhDaa gard-e-sahraa ho gayaa
TuuT kar patte kab apni shaakh par vaapas hue

kyaa khabar kis moD par bikhre mataa-e-ehtiyaat
pattharon ke shahr mein huun aaina oDhe hue

tamaam phuul mahakne lage hain khil khil kar
chaman mein shokhi-e-baad-e-sabaa ko chhute hi

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

dariyaa ki zindagi par sadqe hazaar jaanein
mujh ko nahin gavaaraa saahil ki maut marnaa